490 COVID-19 cases, gin-report sang DOH; total cases sa Pilipinas, lapaw na sa 26,000

By: Aine Grace Bravo/Ariel Solacito

MANILA, June 15, 2020 — Naglab-ut na sa 26,420 ang kaso sang coronavirus disease (COVID-19) sa Pilipinas.

Base sa bulletin nga ginpaguwa sang Department of Health (DOH) subong nga hapon, 490 cases ang gin-report –348 ang fresh cases kag 142 ang late cases.

6,252 na ang recoveries sang nadugang sa listahan ang 298 ka mga pasyente nga nag-ayo sa COVID-19.

Samtang 10 ka napatay ang gin-report sang DOH subong nga adlaw nga nagdala sa kabug-usan nga 1,098 ka mga nagkalamatay bangud sa virus. |via DOH