60-anyos nga lalaki, gintiro-patay sang riding-in-tandem sa Tagbac, Jaro
By: JoMaque | June 18, 2020
Iloilo City — Gintiro sang riding-in-tandem ang 60-anyos nga lalaki samtang nagapanilhig sa higad sang karsada malapit sa ila balay sa Landheights Subdivision, Tagbac, Jaro pasado las 6 subong nga aga.
Ginkilala ang biktima kay Herbert “Jun” Catacutan Jr.
Suno kay barangay kapitan Rex Labordo, duha na ka adlaw nga gina-surveillance sang motorsiklo ang balay sang biktima suno man sa iya bata.
Ginpahayag ni Labordo, wala sang malain nga background ang biktima kag kilala nga mabuot sa ila lugar.
Gindeklarar nga dead-on-arrival sa Iloilo Metro Hospital sa Tagbac las 7:40 sang aga ang biktima suno kay Police Staff Sergeant Saturnino Dela Cruz.
May igo sa dughan kag ulo ang biktima suno sa kapitan.
Nagpalagyo suno sa iya ang mga suspects pakadto sa Lanit, Jaro.
Anum ka basiyo sang .9mm kag tatlo ka live ammo ang nakita sa lugar suno pa kay Labordo.