Biyahe sang mga fastcraft halin Iloilo pa-Bacolod kag vice versa, magapadayon buwas, June 20–MARINA6

By: JoMaque | June 19, 2020

Makaligad ang tatlo ka bulan nga pag-untat, magapadayon na buwas, Hunyo 20, ang biyahe sang mga fastcrafts sa Iloilo-Bacolod nga ruta.

Ginkumpirmar ni MARINA 6 Director Jose Venancio Vero nga nakabaton siya sang tawag halin sa fastcraft operator kaina sang aga nga nagakumpirmar nga magabalik-biyahe na sila buwas.

Indi na suno sa iya maghulat ang mga operators sa Lunes kundi buwas, magasugod na sila biyahe.

Ginpa-athag naman ni Vero nga indi na pareho sang una ang sakyanay bangud 50 porsyento lang sang seating capacity ang pasugtan kag dapat ma-obserbar ang minimum health standard protocols pareho sang physical distancing kag pagsuksok sang face mask.

Una na napa-athag suno kay Vero sa mga operators ang guidelines nga ID lang nga may proof of residence nga taga-Western Visayas ang ipakita sang pasahero.

Gin-athag niya dugang nga applicable lang ang guidelines sa mga asta lang sa Bacolod City kag indi sa pagsulod sa Negros Occidental nga may lain man nga protocols.

Tagduha ka trips kada adlaw ang pasugtan sang MARINA sa kada fastcraft company. | via Aksyon Hotline