Masobra 10 ka balay, nasunog sa Jaro

By: Aine Grace Bravo/Angel Mae Ciudad

ILOILO CITY, June 19, 2020 — Napuhag ang mga residente sang Brgy. Tabuc Suba, Jaro sang nag-ibwal ang sunog kaina sang hapon.

Sa record sang barangay, pito (7) ang totally gutted kag anum (6) ang partially damaged.

Sa impormasyon nga nakuha sang Aksyon Radyo Iloilo, naghalin ang kalayo sa ibabaw sang tiangge ni Mrs. Melinda Delfin.

Napilitan ang iban nga nasunugan nga ihaboy sa suba ang ila kagamitan agud nga may masalbar.

Nakahatag na sang bulig pareho sang bugas, canned goods kag tubig ang City Social Welfare and Development Office sa mga nasunugan.