Pagbiyahe sa mga LSIs papauli sa mga probinsya, temporaryo nga untaton –COVID-19 Deputy Chief Implementer

By: JoMaque | JUne 26, 2020

Manila — Temporaryo nga untaton ang pagbyahe sa mga Locally Stranded Individuals papauli sa ila tagsa ka mga probinsya suno kay Secretary Vince Dizon, Deputy Chief Implementer of the National Task Force COVID-19.

Sa press briefer subong nga hapon, ginpahayag ni Dizon nga iimplementar ang bag-o nga protocol sa mga LSIs kag ini amo ang pagpaidalum sa ila sa RT PCR test antes ibyahe papauli sa ila tagsa ka mga probinsya.

Paagi sini, maseguro nga wala sang COVID-19 ang mga LSIs kag maproteheran man ang ila komunidad nga pagapulian.

May task force nga gintukod ang National Task Force nga maga-atendir sa mga LSIs.

Nagpasalig si Dizon nga hatagan sang pagkaun ang kag temporaryo nga teniran ang mga LSIs.