LSI sa Passi City, nagpositibo sa COVID-19 — Mayor Stephen Palmares

By: JoMaque | June 27, 2020

Iloilo Province — Ginkumpirmar ni Passi City Mayor Stephen Palmares nga nagpositibo sa COVID-19 ang 21-anyos nga lalaki nga halin sa Liloan, Cebu.

Nag-abot sa siyudad ang amo nga locally stranded individual sang Hunyo 17 kag subong nga adlaw ginpahibalo ang LGU Passi sang resulta nga positibo siya sa COVID-19.

Ginpasiguro naman ni Palmares nga wala sang iban nga na-contact ang amo nga LSI bangud gindiretso siya sa quarantine facility sang nag-abot sa siyudad.

Asymptomatic ang pasyente.

Nanawagan si Palmares sa mga pumuluyo nga magkalma kag indi mag-panic. | via BBB