PECO, matambong sa fact-finding investigation sa MORE Power; Claim nga pag-sabotahe sang MORE, excuse lang sang ila incompetence – Atty. Estrella Elamparo

By: JoMaque | June 27, 2020

ILOILO CITY — Matambong ang Panay Electric Company (PECO) sa fact-finding investigation sang Iloilo City Council sa masami nga brownout sang MORE Electric and Power Corporation.

Suno kay Councilor Rommel Duron , chairman sang Committee on Public Utilities, wala naimbitahan ang PECO apang mahimo man sila nga maka-attend.

Ginkumpirmar naman ni Mr. Marcelo Cacho sang PECO nga matambong sila.

Sa isyu naman sa pahayag sang MORE Power nga ginasabotahe sila, suno sa legal cousel sang PECO nga si Atty. Estrella Elamparo, kaladlawan ang claim sang MORE bangud wala sang anuman nga efforts halin sa PECO.

Excuse lang ini sa incompetence sang MORE, suno sa iya..

Ginpahayag pa ni Elamparo nga wala sang kapabilidad ang PECO bangud wala sang access sa facilities ang PECO.

Dugang pa niya, palpak kag wala sang nahibaluan ang MORE. Kuntani ginsunod na lang sang MORE ang transition period kag wala nagpadasu-daso sa pagkuha sang facilities sang PECO.

Ang fact-finding investigation nga himuon sa Hunyo 30 ang may kaangtanan sa masami nga pagluntad sang unscheduled brownout sa siyudad. | via Aksyon Jeremae Ventar