26 ka bag-o nga kaso sang COVID-19, nadugang sa Western Visayas –DOH 6

By: JoMaque | June 28, 2020

ILOILO CITY – 26 ka bag-o nga kaso sang coronavirus disease (COVID-19) ang nadugang sa Western Visayas subong nga adlaw, June 28, ang pinakamadamo nga kaso nga na-record sa rehiyon sa isa lang ka adlaw.

Ini ang ginkumpirmar sang Department of Health 6.

Sa bulettin sang DOH 6, sa bag-o nga kaso anum (6) ang repatriated overseas Filipino workers (OFWs) samtang 14 ang locally stranded individual (LSIs).

Ang bag-o nga mga kaso halin sa:

Iloilo Province: 9
Iloilo City: 6
Bacolod City: 9
Guimaras: 1
Negros Occidental: 1

Naka-facility quarantine na ang mga pasyente.

Gin-report man sang DOH ang duha ka nadugang nga recoveries.

Sa kabug-usan 274 na ang COVID-19 cases sa rehiyon 6 nga ginalakipan sang 138 active cases, 125 recoveries kag 11 ka nagkalamatay.| Via DOH 6