2 doktor sa St. Paul’s Hospital, nadugang nga nagpositibo sa COVID-19

By: Aine Grace Bravo

ILOILO CITY, June 29, 2020 — Ginkumpirmar ni Mayor Jerry Treñas nga may duha ka doktor nga nagdugang sa nagpositibo sa St. Paul’s Hospital.

Sa record, suno sa alkalde, walo na ka doktor ang nagpositibo sa COVID.

Dugang pa sang alkalde, naka-quarantine na ang duha ka doktor.

Una na nga ginkumpirmar sang Department of Health 6 kahapon, Hunyo 28, nga anum (6) ka doktor ang nagpositibo sa COVID-19. | via Mayor Jerry Treñas