6 medical doctors halin sa Iloilo St. Paul’s Hospital, nagpositibo sa COVID-19 — Mayor Jerry Treñas

By: JoMaque/Ariel Solacito | June 29, 2020

Iloilo City —

Nagpositibo sa COVID-19 ang anum ka medical doctors halin sa St. Paul’s Hospital Iloilo. Ini ang ginkumpirmar ni Iloilo City Mayor Jerry Treñas.

Suno kay Treñas, naka-isolate na ang mga doctors.

Base sa bulletin sang Department of Health 6 kahapon, Hunyo 28, ini amo sanday: WV 265 – 31 anyos nga lalaki nga taga Jaro, Iloilo City;  WV 266 -29 anyos nga lalaki nga taga Mandurriao, Iloilo City;  WV 267 – 29 anyos nga babaye nga taga Jaro, Iloilo City; WV 268 – 27 anyos nga babaye nga taga Oton, Iloilo; WV 269 – 42 anyos nga lalaki nga taga Jaro, Iloilo; kag WV270 – 53 anyos nga lalaki nga taga La Paz.

Ginkumpirmar man ni Dr. Ma. Sophia Pulmones sang DOH 6  ang pagpositibo sa COVID-19 sang mga health workers.

Hunyo 26 sang gin-swab sila bangud sang posible exposure sa suspect case sang COVID-19 kag nagguwa ang resulta kahapon.

Wala pa naguwa ang resulta sang RT PCR test sang suspect case.

Gina-imbestigaran man kun sa pasyente, upod sa trabaho, ukon sa close contacts nakuha sang anum ka mga health workers ang kagaw.

Nagapadayon ang contact tracing.