8 new cases sang COVID-19, 7 new recoveries, gin-report sang DOH sa Western Visayas

By: Aine Grace Bravo

ILOILO CITY, July 1, 2020 — Walo (8) ka bag-o nga kaso sang COVID-19 sa Western Visayas ang gin-report sang Department of Health 6 subong nga adlaw.

Suno kay Dr. Renilyn Reyes, head sang DOH 6 Public Health Programs Development Cluster, pito (7) ka locally stranded individuals kag isa (1) ka repatriated OFW ang bag-o nga mga kaso.

Anum (6) sa nagpositibo ang taga-Negros Occidental kag duha (2) ang taga-Iloilo province nga taga-Pototan kag taga-Passi City.

Pito (7) naman ang nadugang nga naka-recover nga lunsay taga-Negros Occidental.

Sa kabug-usan, ang Western Visayas may 332 ka COVID-19 cases –182 ang active cases, 139 ang naka-recover kag 11 ang napatay. | via DOH 6