Masobra 1,500 COVID-19 cases sa Pilipinas, nadugang; total cases, masobra na 40,000

By: Aine Grace Bravo

MANILA, July 3, 2020 — Masobra 1,500 ka kaso sang COVID-19 ang gin-report sang Department of Health nga nadugang subong nga adlaw.

Sa Bulletin # 111 sang ahensya subong nga hapon, nagalab-ut sa 1,531 ang nadugang nga kaso –688 diri ang fresh cases kag 843 ang late cases.

Bangud sini, 40,336 na ang total cases sang COVID-19 sa pungsod.

400 naman ang gin-report nga nadugang sa nag-ayo rason nga 11,073 na ang total recoveries.

Samtang, anum (6) ang nadugang sa napatay ukon may 1,280 na ka total deaths bangud sa COVID-19 sa Pilipinas. | via DOH