8 ka bag-o nga kaso sang COVID-19, nadugang sa Western Visayas; mga bag-o nga kaso halin sa probinsiya sang Iloilo -DOH 6

By: JoMaque | July 6, 2020

ILOILO CITY –389 na ang kaso sang coronavirus disease (COVID-19) sa Western Visayas tubtob subong nga adlaw, July 5.

Kasunod ini sang gin-report sang Department of Health 6 nga 8 ka bag-o nga kaso sa rehiyon.

Suno sa DOH 6, lunsay locally stranded individuals (LSIs) kag naka-facility quarantine na ang mga bag-o nga kaso.

Halin tanan sa probinsiya sang Iloilo ang mga kaso.

Ang 389 ka kaso sa rehiyon 6 ang ginalakipan sang 228 active cases, 150 recoveries kag 11 gihapon ka nagkalamatay. | Via DOH 6