DOH 6, naka-record sang 19 new cases sang COVID-19 sa Western Visayas; 34, nadugang sa naka-recover

By: Aine Grace Bravo/Ariel Solacito

ILOILO CITY, July 14, 2020 — 19 ka bag-o nga kaso sang coronavirus disease (COVID-19) ang nadugang sa Western Visayas subong nga adlaw.

Suno sa Department of Health 6, kalabanan sa mga nag-positibo ang locally stranded individuals (LSIs) kag naka-facility quarantine na.

Kalabanan sa bag-o nga kaso ang halin sa Negros Occidental.

May isa man ka kaso halin sa iban nga rehiyon nga na-detect sa rehiyon 6.

Samtang, gin-report sang DOH ang 34 ka bag-o nga recoveries.

611 na ang kabug-usan nga kaso sa rehiyon –376 active cases, 224 recoveries kag 11 gihapon ang nagkalamatay. | via DOH 6