Bilog nga Western Visayas, ginpaidalum sa medium risk MGCQ tubtub Hulyo 31

By: JoMaque | July 16, 2020

Manila —  Ginpa-idalum sa medium risk Modified General Community Quarantine ang bug-os nga Western Visayas.

Gin-anunsyar ini ni Presidential Spokesperson Harry Roque sa sinapol upod kay Presidente Rodrigo Duterte subong nga gab-i.

Suno kay Roque, sa medium risk MGCQ, mas bukas na ang ekonomiya.

Pero kinahanglan suno sa iya nga ipatuman gihapon sang mga LGUs ang regular lockdowns kun kinahanglan, kag istrikto nga ipatuman ang minimum health standards.

Dapat man nga batunon ang tanan nga LSIs kag repatriated OFWs pero i-quarantine sila kag ipa-idalum sa RT-PCR test pag-abot sa ila lugar.