Initial result sang air sampling sa mga lugar nga naapektuhan sang oil spill, “within the standards” suno sa EMB 6

By: Aine Grace Bravo

ILOILO CITY, July 17, 2020 – “Within the standards.”

Ini ang inisyal nga resulta sang air sampling nga ginhimo sa mga lugar nga naapektuhan sang oil spill halin sa naglupok nga power barge sang AC Energy, Corp. sa Bo. Obrero, Lapuz sang Hulyo 3, 2020.

Suno kay Environmental Management Bureau (EMB) 6 Director Ramar Niel Pascua, may third party nga gin-hire ang AC Energy agud maghimo sang confirmatory test sa air samples.

Dugang ni Pascua, wala pa makagguwa ang resulta sa water samples bangud gina-test pa sa laboratory.

Gintalana sa Martes, Hulyo 21, ang pagpaguwa sang final results sa air kag water samples sa mga lugar nga apektado sang oil spill. | via Brian Valle