Iloilo Gov. Arthur Defensor Jr, nag-athag nga ‘indi’ para sa mag-asawa ang gin-propose niya nga motorcycle barrier

By: JoMaque | July 20, 2020

Iloilo—“Ang barrier para sa indi mag-asawa”

Ini ang ginpahayag ni Iloilo Governor Arthur Defensor Jr may kaangtanan sa pagpahanugot sang angkas sa mga mag-asawa kag mag-live in partners.

Suno sa gobernador, ang proposal niya sa pag-install sang barrier sa mga motorsiklo para sa indi mag-asawa agud mapatuman ang physical distancing.

Sang ginapamangkot sang Aksyon Radyo Iloilo kun ano ang iya reaksyon sa pagpahanugot sang angkas para sa magasawa kag nobyohanay, ginpahayag sang gobernador nga, “Kun ako lang ya pamangkot niyo, kun mag-asawa kag nagahulid kamu, indi na kinahanglan ang barrier.”

Dugang ni Defensor, puwede na ang angkas sa probinsya sang Iloilo.

Mapaggwa ang gobernador sang Executive Order may kaangtanan diri.