Lalaki sa Don Esteban, Lapuz, gindala sa ospital matapos nag-inom sang gasolina

By: JoMaque | july 21, 2020

Iloilo City–Gindala sa ospital si alyas Gerald, ginabanta sa 20 tubtob 25 anyos, nga residente sang Don Esteban, Lapuz bangud nagpalangluya matapos nag-inom sang gasolina.

Suno kay Punong Barangay Efren Cenayo, nakita si Gerald nga naga-yellowish kag nagapalanghabok kag pila ka adlaw na nga wala nagabangon samtang nagatenir sa covered gym.

Natukiban sang ulihi nga ginasalod niya sang water container ang gasolina halin sa naga-park nga mga salakyan sa gym kag gina-inom.

Naulihi pa ang pagdala sa iya sa ospital bangud man sa protocol nga ginsunod sa kabalaka nga posible na-infect sang virus si Gerald nga masami sadto nagalagaw suno sa mga residente.

Nagalihu-liho si Gerald kag ginahatagan na lang sang pagkaun sang mga residente halin sang napatay ang iya ginikanan.

Gin-athag naman sang kapitan nga naka-schedule na ang disinfection sa barangay ilabe na sa gym bilang pagpaniguro man batok sa COVID-19.