COVID-19 cases sa Pilipinas, masobra na 76,000

By: Aine Grace Bravo/Angel Mae Ciudad

MANILA, July 24, 2020 — Naglab-ut na sa 76, 444 ang confirmed cases sang COVID-19 sa Pilipinas base sa data sang Department of Health subong nga hapon.

Sa amo nga numero, 50,063 ang active cases.

Suno sa DOH, 2,103 ka bag-o nga kaso sang COVID-19 ang nagdugang sa ila lisatahan.

NCR ang nagapanguna sa may madamo nga kaso sang COVID-19 nga may 1, 272.

Nagasunod ang Cebu nga may 291, pangattlo ang Laguna nga may 107; nagasunod ang Rizal nga may 83 kag Cavite nga may 53.

114 ang naka-recover gani 24, 502 ang nag-ayo sa COVID-19.

1,879 ang napatay sa COVID-19 bangud sa 15 nga nagdugang sa record sang DOH.| via DOH