OPD sa WVSU Medical Center, temporaryo nga gin-lockdown

By: Aine Grace Bravo

ILOILO CITY, July 24, 2020 — Temporaryo nga gin-untat ang serbisyo sang out-patient department sa West Visayas State University Medical Center.

Ini ang ginpahibalo sang tagdumalahan sang ospital sang nag-positibo sa RT PRC test ang pila ka pasyente kag health care worker.

Base sa official statement nga na-post sa Facebook page sang WVSU-MC, ila ginpasiguro sa mga kliyente nga na-obserbar ang husto nga health kag safety measures kag ginasunod ang mga infection control guidelines.

Gin-swab, gin-isolate kag padayon nga gina-monitor ang mga personnel nga nalakip sa mga may risgo. Gin-sanitize kag gin-disinfect naman ang mga lugar nga apektado.