Mag-amay, pilason ang ginlabu sa Cabatuan, Iloilo

By: JoMaque | July 26, 2020

Iloilo — Pilason ang mag-amay sang ginlabu sa Brgy. Lutac, Cabatuan, las 9 kagab-i, Hulyo 25.

Ginkilala ang mga biktima kanday Joey Sancho, 40 kag iya bata nga lalaki nga si Jonel, 19 anyos. Napilasan sa tuhod si Jonel samtang may pilas sa kamot si Joey.

Nadakpan naman ang suspetsado nga ginkilala kay Tito Copina, 34 anyos sang amo man nga barangay.

Suno kay Police Major Niño Leonard Amar, Hepe sang Cabatuan Police Station, naka-inom halin sa trabaho ang suspetsado kag naga-sukbit pa sang binangon sang naagyan niya nga nagatindog sa guwa sang balay ang biktima.

Posible suno sa iya nga ginsukot sang biktima sang iya utang ang suspek rason nga naakig kag nagpanglabu.

Nalabuan man ni Copina ang bata sang biktima nga nagtambag sa gamo.

Wala na-recover ang binangon nga gingamit sa paglabu sa mag-amay.

Kaso nga physical injury ang iga-file nga kaso batok kay Copina. | via Aksyon Kikik Enar