Biyahe sang fastcraft halin Iloilo pa-Bacolod City and vice versa, temporaryo nga ginpauntat ni Iloilo City Mayor Jerry Treñas

By: JoMaque | July 27, 2020

Gin-anunsyar ni Iloilo City Mayor Jerry Treñas nga suspendido ang biyahe halin Iloilo pa-Bacolod City sugod subong, July 27.

Base ini sa mensahe nga ginpadala sang alkalde sa Aksyon Radyo Iloilo kagab-i, Hulyo 26.

Base sa Facebook post sang Iloilo City Government, gintumod nga rason sang alkalde ang padayon nga pagdamo sang COVID-19 cases sa Bacolod City kag agud maproteheran ang mga pumuluyo sa Iloilo City batuk sa COVID-19.

Suno sa iya, mangin subject ini sa meeting sang Regional Inter-Agency Task Force.

Gin-athag naman sang alkalde nga indi apektado ang shipment sang mga cargoes.

OFFICIAL ANNOUNCEMENT NI MAYOR TREÑAS:

“Travel between Iloilo City and Bacolod City for all persons will be temporarily suspended starting tomorrow subject to the meeting of the RIATF tomorrow. Movement of goods and shipment of cargo shall remain unhampered.” – MAYOR JERRY P. TREÑAS

(Mayor Treñas just concluded the consultation meeting with the heads of RIATF and RTF, and with the members of the COVID-19 Team of Iloilo City re: the increasing number of confirmed COVID-19 cases in Bacolod City and proactive measures to protect the residents of the city from infection)”