Ginabanta P60k nga balor sang suspected drugs, nakuha sa buy bust operation sa Pavia; subject, 2 pa, arestado

By: Aine Grace Bravo

PAVIA, Ilo., July 28, 2020 — Tatlo ang nadakpan sa drug buy bust operation nga ginhimo sang Provicial Drug Enforcement Unit sa atubang sang mall sa Pavia subong nga gab-i.

Arestado ang subject nga si Carlo Estorninos sang Poblacion, Janiuay kag duha pa nga sanday Benjamin Copita sang Balaticon, Calinog kag driver sang Melvin Taxi nga si Jay Alejandro sang Boulevard, Molo.

Nakuha kay Estorninos ang 15 ka magagmay nga sachets sang suspected shabu, isa ka bulto kag P26,800 buy bust money.

Samtang, na-recover man sa taxi ang walo (8) ka sachets sang suspected shabu nga ginabanta nagabalor sang P20,000.

Ginabanta nga nagabalor sang P60,000 ang tanan nga na-recover. |via Aksyon Dave Bucayan