8 nagpositibo sa COVID-19 sa Pali Benedicto, Mandurriao

By: Aine Grace Bravo

ILOILO CITY, July 29, 2020 — Ginkumpirmar sang City Health Office nga walo ang nagpositibo sa COVID-19 sa Pali Benedicto, Mandurriao.

Suno sa opisina, gin-swab test sang Hulyo 27 ang walo ka nagpositibo kag nagguwa kagab-i, Hulyo 28, ang resulta.

Suno naman kay Punong Barangay Alan Juarez, may nauna nga 50-anyos nga lalaki nga nagpositibo sa ila barangay sang Hulyo 23.

Bangud sa pagpositibo sang lalaki, 20 ang gin-swab test, partikular na ang malapit sa balay sang lalaki.

Sa 20 ka gin-swab, walo ang nagpositibo:

1) 64-anyos, babaye
2) 14-anyos, lalaki
3) 15-anyos, babaye
4) 18-anyos, lalaki
5) 4 ka tuig, lalaki
6) Naga-edad masobra 20-anyos, lalaki
7) Naga-edad masobra 20-anyos, lalaki
8.)Naga-edad masobra 20-anyos, babaye

Gin-lockdown man suno kay Juarez ang ginateniran sang mga construction workers nga masami nagakadto sa tiyangge sang una nga nagpositibo sa virus. | via Aksyon Jeremae Ventar