Barangay Sulangan, Dumangas, gin-lockdown sang natukiban nga naglapas sa quarantine protocol ang LSI nga nagpositibo sa COVID-19

By: JoMaque | July 30, 2020

DUMANGAS, Iloilo – Ginkumpirmar ni Mayor Ronaldo Golez sang Dumangas nga ginpaidalum sa lockdown umpisa las 5:00 kahapon sang hapon ang Barangay Sulangan bangud nga nagpositibo sa COVID-19 ang LSI.

Suno kay Golez, ang lalaki nga LSI ang naka-quarantine sa Day Care Center sa amo nga barangay.

Ginpahayag ni Golez nga gin-lockdown ang barangay para sa contact tracing bangud sa paglapas sa quarantine protocol sang LSI.

Suno sa alkalde, nakipag-istorya sa mga barangay tanod ang LSI kag nag-inum inom pa.

July 27 sang nagguwa ang positibo sa COVID-19 ang LSI.

Bawion lang ang lockdown kun matapos na ang contact tracing suno sa alkalde.