36 new cases sang COVID-19 sa Western Visayas, gin-report sang DOH 6

By: Aine Grace Bravo

ILOILO CITY, July 31, 2020 — Gin-report sang Department of Health 6 ang 36 ka bag-o nga kaso sang COVID-19 kahapon, Hulyo 30, pero kaina sang aga lang na-post.

Sa amo nga numero, 25 ang locally stranded individuals, 10 ang local cases kag isa ang returning overseas Filipino.

Ang Iloilo City kag Negros Occidental ang may tag-14 ka kaso; tag-tatlo ka kaso sa Iloilo province kag Aklan kag duha ka kaso sa Bacolod City.

May isa man ka kaso nga na-detect sa rehiyon pero gin-tag sa iban nga rehiyon.

Gin-report man sang DOH ang 15 ka bag-o nga recoveries kag isa ka napatay.

Ang Western Visayas may 1,244 na ka kaso sang COVID-19 –560 ang active cases, 666 ang recoveries kag 18 ang nagkalamatay. | via DOH 6