Iloilo City Mayor Jerry Treñas, nagkumpirmar nga may nagatrabaho sa call center nga napatay bangud sa COVID-19

By: JoMaque | August 8, 2020

ILOILO CITY – Ginkumpirmar ni Mayor Jerry Treñas nga may nadugang nga napatay sa syudad bangud sa COVID-19.

Sa text message nga ginpadala sang alkalde, iya ginpabutyag nga, “Bag-o lang ko gintawgan sang isa ka hospital. May 1 kita ka dead. Sa call center ga obra. 39 years old. Taga-city.”

Ginatinguhaan pa sang Aksyon Radyo nga makakuha sang dugang nga detalye may kaangtanan sa pasyente.