West Timawa, Molo punong barangay, gin-deny ang data sang COVID-19 team subong nga adlaw, agosto 7, nga may nagpositibo sa COVID-19 sa ila barangay; COVID-19 team, nanindugan naman nga may COVID-19 case sa barangay
By: JoMaque | August 8, 2020
Iloilo City—Gin-deny ni West Timawa Punong Barangay Nelly Magsipoc ang data sang COVID-19 team kahapon, Agosto 7, nga may nagpositibo sa COVID-19 sa ila barangay.
Suno sa kapitan, ginpa-check niya sa iya Barangay Health Emergency Response Team ang data, apang wala sang positibo sa ila barangay.
Samtang, ginpanindugan sang COVID-19 team kag ni Mayor Jerry Treñas nga “West Timawa gid” ang may kaso sang ginpamangkot sang Aksyon Radyo.
Sa data sang COVID-19 team, may isa ka nagpositibo sa COVID-19 sa West Timawa, Molo. Base ini sa RT-PCR results nga nabaton sang City Government halin sa DOH 6 halin sa 6:43am tubtob 5pm kahapon. | via Aksyon Brian Valle