26 jeepney drivers, nadakpan sa una nga adlaw sang pagpatuman sang ‘No face shield, No ride’ policy
By: JoMaque | August 15, 2020
Iloilo City — Gin-isyuhan sang ticket ang 26 ka public utility jeepney drivers nga nagabiyahe sa Iloilo City sa una nga adlaw sang pagpatuman sang “No face shield, no ride” policy.
Suno kay Ms. Riza Otayde, spokesperson sang LTO 6, nadakpan nga naglapas sa polisa ang mga drivers nga nagabiyahe sa ruta sang Molo, Ungka area, Jaro, kag City Proper.
May mga nadakpan nga driver nga wala nagasuksok sang face shield kag may ara man nga nagpasakay sang pasahero nga wala nagasuksok sang face shield.
Ginpa-athag ni Otayde nga ang driver ang isyuhan sang ticket bisan ang pasahero ang wala nagasuksok sang face shield.