WVMC-SNL, target nga maka-resume sa full operation bwas, Agosto 17

By: JoMaque | August 16, 2020

Iloilo City — Ginapaabot nga mangin full operation na ang Western Visayas Medical Center-Sub National Laboratory bwas, Agosto 17.       

Na-untat temporaryo sang nagligad nga semana ang pagpamaton sang mga specimens sang WVMC-SNL bangud sang pagpositibo sa COVID-19 sang anum ka medical technologists.

Suno kay Dr. Jessie Glen Alonsabe, regional epidemiologist sang DOH 6, wala nag-untat sa operation ang laboratoryo kundi gintapos lang ang pag-process sang mga nabilin nga specimen. 

Una na ginpahayag ni Dr. Stephanie Abello, chief pathologist sang WVMC-SNL nga kun mag-negatibo ang resulta sang walo ka personnel nga close contacts sang mga nagpositibo, mahimo na sila makabalik duty kag mabulos sa pagproseso sang mga specimen. | via Aksyon Brian Valle