4 new fatalities nga COVID-19 related, nadugang sa Western Visayas

By: JoMaque | August 19, 2020

ILOILO CITY, August 18, 2020 (5:53pm) – Apat ka bag-o nga fatalities may kaangtanan sa COVID-19 ang nadugang sa record sang DOH 6.

Gin-report ni Dr. Jessie Glen Alonsabe, regional epidemiologist kag designated spokesperson sang DOH 6 subong nga semana, nga 42 na tanan ang COVID-related deaths sa Western Visayas.

Ang mga nadugang base sa bulletin subong nga adlaw amo ang masunod:

63 anyos nga lalaki, taga-Estancia nga napatay sang Agosto 13;
79 anyos nga lalaki, taga-Barotac Viejo nga napatay sang Agosto 15;
74 anyos nga babaye, taga-Bacolod City nga napatay sang Agosto 14; kag
57 anyos nga lalaki, taga-Bacolod City nga napatay sang Agosto 14.

Ginpabutyag naman ni Dr. Alonsabe nga ginatugyan na sang DOH 6 sa mga local government units ang pagpaguwa sang updated nga COVID-19 cases sa ila lugar. | via DOH 6