Bed capacity para sa COVID-19 patients sa mga ospital sa siyudad, puno na
By: JoMaque | August 23, 2020
ILOILO CITY – Ginkumpirmar ni Dr. Suzette Labrador, presidente sang Philippine College of Physicians Western Visayas –Panay Chapter nga puno na ang bed capacity para sa COVID-19 patients sang mga ospital sa siyudad sang Iloilo.
Base sa data suno kay Labrador, masobra 20 ka pasyente sa Emergency Room ang nagahulat nga ma-admit sa Western Visayas Medical Center kag 9 naman ka mga pasyente sa West Visayas State University Medical Center ang nagahulat nga ma-admit man.
Samtang, wala na sang available nga kwarto para sa mga COVID-19 patients sa St. Pauls Hospital Iloilo, Iloilo Mission Hospital kag Iloilo Doctors Hospital.
Bisan sa mga district hospitals ang puno naman kag indi na makabaton sang mga COVID-19 patients, dugang pa ni Labrador.
Mahinay suno sa iya ang turn around time kag indi gilayon makaguwa ang mga pasyente bangud ginapatapos pa ang 14 ka adlaw nga quarantine.
Gin-ako ni Labrador nga may mga severe kag moderate cases na sang COVID-19 sa Iloilo.
Gin-athag man n iya nga may bakante pa sa mga ospital para sa non-COVID-19 patients.
Ginpasiguro niya nga gina-cater ang mga non-COVID-19 patients.| Via Aksyon Hotline