115 new COVID-19 cases sa Western, gin-report sang DOH 6

By: Aine Grace Bravo

ILOILO CITY, August 24, 2020 — 115 ka bag-o nga kaso sang coronavirus disease (COVID-19) ang nadugang sa Western Visayas subong nga adlaw, Agosto 24.

Suno kay Dr. Marie Jocelyn Te, designated spokesperson sang Department of Health 6, nagsaka sa 3,555 ang kabug-usan nga kaso sa Western Visayas. 1,971 pa diri ang active cases.

Sa new cases, 104 ang local kag 11 ang returning overseas Filipinos.

Gin-report man sang ahensiya ang pito ka bag-o nga recoveries kag isa ka napatay. Bangud sini, nagsaka sa 1,530 ang total recoveries kag 54 na ang nagkalamatay sa COVID-19. | via DOH 6