Bed capacity para sa COVID-19 related cases sang mga district hospitals sa probinsiya sang Iloilo, 90% na nga okupado –IPHMO

By: JoMaque | August 26, 2020

ILOILO — 90 porsyento na nga okupado ang bed capacity para sa COVID-19 related cases sang mga district hospitals sa probinsiya sang Iloilo.

Suno kay Dr. Cynthia Cabangal-Ng sang Provincial Hospital Management Office, 91 tanan ka mga beds ang gin-alokar sa mga COVID-19 related cases sa mga district hospitals.

Sa 91 ka beds, duha ang gin-preparar sa Iloilo Provincial Hospital sa Pototan, 14 sa Dumangas District Hospital, 12 sa Aleosan District Hospital, 11 sa Guimbal District Hospital, 9 sa Barotac Viejo District Hospital, 8 sa Lambunao, tag-anum sa Cabatuan, Sara, Balasan, Janiuay, Passi City District Hospitals, 3 sa Calinog, kag 2 man sa San Joaquin.

Kun kinahanglanon suno sa iya ginadugangan nila ang mga beds agud ma-cater ang mga pasyente.

Gin-athag man ni Ng wala pa sang confirmed cases sang COVID-19 nga na-admit sa mga nasambit nga ospital kundi mga suspected cases pa lang.

ALARMING

Ginakabig naman ini nga alarming kag public health concern.

Dugang pa ni nga dapat nga ipahangop sa publiko nga last line of defense sa COVID-19 ang mga ospital.

Ang kaugalingon suno sa iya ang first line of defense gani kinahanglan nga maghalong paagi sa paglikaw sa paglagaw, magsunod sa minimum health standards nga ginapatuman pareho sa pagsuksok sang face mask, face shield, mag-obserbar sang physical distancing kag masami nga magpanghugas sang kamot.| Via PM Reports