1 patay, 1 pilason sa pagpanglabu sa Concepcion, Iloilo

By: JoMaque | August 29, 2020

Iloilo — Patay ang 44-anyos nga lalaki sang ginlabu sa Sitio Punta Luis, Brgy. Poblacion, Concepcion pasado las 7 kagab-i, Agosto 28.

Suno kay PLt. Solon Villanis, Deputy Chief sang Concepcion MPS, nagpauli sa ila nga balay ang biktima nga si Allan Navarro, 44-anyos, sang ginsulod ni Lister Chiong, 40-anyos, kag ginlabu.

Napilasan sa tangkugo si Navarro, samtang may pilas sa kamot kag tiil si Chiong. Gindala sa ospital ang duha pero gindeklarar nga napatay si Navarro.

Ginpahayag ni PLt. Villanis, nga daan nga hiligut-anon ang ginatan-aw nila nga motibo sa natabo.

Ginpabutyag sang suspek nga nagbalus lang siya bangud una siya ginlabu sang biktima.

Na-recover sa crime scene ang binangon kag kutsilyo.Padayon nga ginabulong sa ospital si Chiong nga ginabantayan sang mga pulis.