Mag-utod nga LSI nga taga-Concepcion, Iloilo nga nakasakay na sa barko, nagpositibo sa COVID-19

By: JoMaque | August 29, 2020

Iloilo — Nagpositibo sa COVID-19 ang mag-utod nga LSI nga taga-Concepcion, Iloilo.

Suno kay Iloilo City Task force on COVID-19 Spokesperson Jeck Conlu, lunsay mga lalaki ang mag-utod.

Agosto 24 sang gin-swab ang duha kag kahapon lang nga adlaw nahibaluan nga nagpositibo sila sa virus samtang nagabyahe na papuli sa Iloilo sakay sa 2GO vessel.

Agosto 27 sang aga naghalin sa Manila ang barko nga ginsakyan sang mga LSIs kag kagab-i nag-abot sa sa Iloilo City.

Ginkumpirmar naman ni Concepcion Mayor Raul Banias nga taga-Concepcion ang mag-utod kag lunsay asymptomatic.

Nagatrabaho sa Casino sa Manila ang mag-utod dugang pa ni Banias.

Ginsugat sang ambulansiya sang Concepcion LGU ang mga nagpositibo para ibutang sa isolation facility sang banwa.