246 local cases sang COVID-19 sa Western Visayas, na-record sang DOH 6 kahapon, Sept. 6

By: JoMaque | September 7, 2020

Nadugangan sang 253 ka bag-o nga kaso sang COVID-19 ang Western Visayas subong nga adlaw base sa case bulletin number 163 nga ginpaguwa sang Department of Health 6 kagab-i.

Sa nasambit nga numero, 246 diri ang local cases, apat ang LSI kag tatlo ang returning overseas Filipinos.

Pinakamadamo sa mga nagdugang ang naghalin sa Bacolod City nga may 143; Ginasundan sang Negros Occidental nga may 41; Iloilo City nga may 35; Iloilo Province nga may 21; Capiz nga may 12; kag isa sa Guimaras.

52 naman ang nagdugang sa mga recoveries kag wala sang may nagdugang sa mga napatay.

Sa kabug-usan naglab-ot na sa 5,954 ang kaso sang COVID-19 sa rehiyon 6 nga may 2,953 ka active cases. 2,914 na ang mga nag-ayo kag nagapabilin sa 87 ang mga nagkalamatay.