Western Visayas, naka-record sang 199 new COVID-19 cases

By: Aine Grace Bravo/Ariel Solacito

ILOILO CITY, September 7, 2020 — Masobra na 6,000 ang kaso sang COVID-19 sa Western Visayas sang nadugang ang 199 ka bag-o nga kaso subong nga adlaw, Setyembre 7.

Suno kay Dr. Marie Jocelyn Te, designated spokesperson sang Department of Health 6, 6,153 na ang kabug-usan nga kaso sa rehiyon –3,029 diri ang active cases.

Sa new cases, 160 ang local, tag-isa ang locally stranded individual (LSI) kag returning overseas Filipino (ROF) kag gina-verify pa ang category sang 37 ka iban pa.

Sa 199 ka bag-o nga kaso, 99 ang halin sa Negros Occidental; 58 sa Bacolod City; 27 sa Iloilo City; 13 sa probinsiya sang Iloilo kag tag-isa ang Antique kag Capiz. Wala sang bag-o nga kaso sa Aklan kag Guimaras.

Gin-report man sang ahensiya ang 120 ka bag-o nga recoveries kag tatlo (3) ka new fatalities.

Bangud sini, 3,034 na ang total recoveries kag 90 ang total deaths bangud sa COVID-19 sa rehiyon. | via DOH 6