Fish trading sa Iloilo Fish Port Complex, magasugod las 3 sa hapon tubtub las 8 sa gab-i umpisa sa Setyembre 14

By: JoMaque | September 13, 2020

Iloilo City — Ginkasugtan sang management sang Iloilo Fish Port Complex kag mga fish brokers sa ginhiwat nila nga meeting kahapon (Setyembre 11) nga magasugod sa las-3 sang hapon tubtob las-8 sang gab-i ang fish trading umpisa sa Setyembre 14.

Suno kay Dr. Justo Anaquita, spokesperson sang IFPC, napili nila nga oras ang 3pm tubtob 8pm para makapuli sang temprano ang mga naganegosyo kag nagaobra sa fish port kag makalikaw sa mga insidente.

Gin-ako man ni Anaquita nga isa mga nabudlayan nila nga masunod ang physical distancing, ilabi na kun madamo sang isda.

Ginpasalig man ni Anaquita nga ginatinguhaan nila para ma-address mga pila ka problema para masunod ang health protocols.

Nakapadala na sang sulat ang IFPC kay Mayor Jerry Treñas nga nagapahibalo sa ginkasugtan nila nga oras sa fish trading sa Iloilo Fish Port Complex.