219 ka bag-o nga kaso sang COVID-19, nadugang sa Western Visayas kahapon, Setyembre 13

By: JoMaque | September 14, 2020

ILOILO CITY — 219 ka bag-o nga kaso sang COVID-19 ang nadugang sa Western Visayas subong nga adlaw, September 13.

Base sa case bulletin No. 170 sang Department of Health 6, nagsaka na sa 7,555 ang kabug-usan nga kaso sa rehiyon 6 kag 3,253 pa diri ang active cases.

Sa bag-o nga kaso, 89 halin sa Bacolod City; 71 sa Negros Occidental; 32 sa Iloilo City; 17 sa Capiz; kag 10 sa Iloilo Province.

Wala sang bag-o nga kaso sa Aklan, Antique kag Guimaras.

Sa 219 ka bag-o nga kaso, 207 gid ang local, 9 ang locally stranded individuals (LSIs), kag tatlo ang returning overseas Filipinos (ROFs).

Samtang gin-report man sang ahensiya ang 82 ka bag-o nga recoveries sa diin, 42 na-record sa Iloilo City; 23 sa Bacolod City; pito sa Iloilo Province; apat sa Negros Occidental; tatlo sa Capiz; duha sa Aklan kag isa sa Antique.

Bangud sini, nagsaka sa 4,184 ang total recoveries.

May isa naman ka napatay halin sa Negros Occidental rason nga nagsaka 118 ang total deaths sa rehiyon 6. | via DOH 6