Aklan, indi na mag-request sa pag-lift sang sang moratorium sa biyahe sang ila mga LSIs — Provincial Administrator

By: JoMaque | September 17, 2020

Aklan — Patapuson na lang sang Aklan Provincial Government ang moratorium sa biyahe sang mga nagapauli nila nga locally stranded individuals.

Suno kay Aklan Provincial Administrator Atty. Selwyn Ibarreta, nagpakigsapol si Governor Florencio Miraflores sa mga mayors kag nadesisyunan nga indi na lang magpadala ang probinsya sang written manifestation sa Inter-Agency Task Force agud magbaton sang LSIs.

Ini bangud puno na ang kalabanan nga quarantine facilities kag nagdamo ang COVID-19 cases sa Aklan.

Tatapon na lang, suno kay Atty. Ibarreta, ang mga nagpositibo agud madasig nga mag-ayo kag mapahalugan ang mga quarantine facilities.

Ginkumpirmar ni Ibarreta nga lakip sa mga na-infect sa Aklan ang mga medical technologists sa COVID-19 lab sang probinsya, rason nga ginsuspender ang operasyon sang laboratory.

Suno kay Ma. Aletha Nogra, spokesperson sang RTF COVID-19, tubtob sa Setyembre 30 ang moratorium sa mga LSIs nga taga-Aklan.

Gin-athag ni Atty. Ibarreta nga pasugtan sang Aklan nga makalabay ang mga LSIs nga mapauli sa Antique, Iloilo kag Guimaras pero dapat may coordination ang LSIs sa receiving LGU kag sugaton sila sa port. | via Aksyon Reports Afternoon Edition