Punong barangay sang Arguelles, Jaro, nagapangayo sang pasaylo bangud sa pagpahanugot niya sa iya residente nga mag-‘jumper’; Kapitan, naka-custody gihapon sa Jaro Police Station

By: JoMaque | September 20, 2020

Iloilo City — Nagapangayo sang pasaylo si Punong Barangay Eleodoro Ledesma sang Arguelles, Jaro sa pagpahanugot niya sa iya residente nga mag-tap sa MORE power bisan illegal.

Sa panaysayon ni Ledesma, sang Huwebes sang hapon sang naglisensya sa iya ang isa ka balay nga mag-tap sang kuryente bangud na-utdan sila.

Ginpasugtan ni Ledesma nga mag-tap sa linya sang outpost bangud isa man lang ka gab-i ang gina-ayo sang iya residente rason nga iya ginpasugtan.

Dugang pa niya nga naga-apply naman sa MORE power ang tag-balay apang wala pa na-aprobahan.

Ginkuha man sang aga ni Ledesma ang linya sang kuryente nga gintakod  sa outpost apang nag-abot na ang MORE.

Aminado naman si Ledesma nga sala ang iya ginhimo.

Naka-custody gihapon sa Jaro Police station si Ledesma samtang ginaproseso ang iya pagpyansa. | via Aksyon Angel Mae Ciudad