Iloilo, nalakip sa may pinakamadamo nga new cases sang COVID-19 sa national bulletin sang DOH

By: Aine Grace Bravo/Ariel Solacito

METRO MANILA, September 22, 2020 — Nagpangatlo ang Iloilo nga may pinakamadamo nga bag-o nga kaso sang COVID-19 sa Pilipinas subong nga adlaw, Setyembre 22.

Base sa case bulletin sang Department of Health, 1,635 ka bag-o nga kaso ang na-record sang DOH rason nga nagsaka sa 291,789 ang total cases sa pungsod.

Matapos ang 14 ka sunod-sunod nga adlaw, subong pa lang naka-record ang Pilipinas sang manubo 3,000 nga new cases.

Magluwas sa Iloilo nga may 97 new cases, nalakip man sa may pinakamadamo nga bag-o nga kaso ang National Capital Region nga may 583 cases, Cavite nga may 102, Rizal nga may 67, kag Cebu nga may 57 ka bag-o nga kaso.

Sa kabug-usan nga kaso, 56,097 pa ang active cases.

Samtang, gin-report man sang ahensiya ang 450 new recoveries kag 50 new deaths.

Bangud sini, nagsaka sa 230,643 ang total recoveries kag 5,049 ang total deaths bangud sa COVID-19 sa pungsod. | via DOH