Jalandoni Estate, Lapuz, gindugang sa mga barangay sa Iloilo City nga naka-total lockdown

ILOILO CITY, September 23, 2020 — Ginpa-idalum man sa lima ka adlaw nga total lockdown ang Brgy. Jalandoni Estate, Lapuz.

Ginkumpirmar ini ni Iloilo City COVID-19 task force designated spokesperson Jeck Conlu.

Suno kay Conlu, nagsugod ang lockdown la-una subong nga hapon, Setyembre 23.

Sa data sang task force, may na-record nga anum (6) ka kaso sang COVID-19 sa Jalandoni Estate tubtob 1pm subong nga adlaw.

Una na ginpa-idalum kahapon, Setyembre 22, sa lima ka adlaw nga total lockdown ang Simon Ledesma, San Isido kag M.H. del Pilar sa Jaro; Bolilao, Mandurriao; Calumpang, Molo; Concepcion, City Proper; Sooc, Arevalo; Aguinaldo, La Paz kag Mansaya, Bo. Obrero, Punong, kag Lapuz Sur sa Lapuz. | via Jeremae Ventar