2 motorbancas nga human sa fiberglass nga magabiyahe Iloilo City-Buenavista, Guimaras vice versa, inagurahan subong nga adlaw

By: JoMaque | Setyembre 24, 2020

Inagurahan subong nga adlaw, Setyembre 24, ang duha ka motorcbancas nga human sa fiberglass nga magabiyahe Iloilo City-Buenavista, Guimaras vice versa.

Suno kay Engr. Jose Vero, Director sang MARINA 6, ginalauman nga mahuman naman ang duha ka fiberclass motorbanca nga magabiyahe naman Iloilo City-Jordan, Guimaras sa una nga semana sang Oktubre, 2020.

Maka-akomodar ang isa ka sakayan sang 60 ka pasahero, samtang 80 ka pasahero ang isa pa.

Wala pa sang pinal nga desisyon kun pila ang plete, pero posible nga P50 kag pwede pa mapanubuan, suno kay Vero.

Ginpahanumdum ni Vero nga hugot nga pagasundon ang 1-meter nga physical distancing sa mga sakayan.