11-anyos nga Ilongga, naghimo sang kasaysayan sang naguba niya ang 43-anyos nga world record sa pinakamadasig nga 5K-runner sa mga naga-edad 11-anyos

By: JoMaque | Setyembre 29, 2020

Nakuha sang 11-anyos nga si Mia Chelsea Guillergan ang bag-o nga record bilang “world’s fastest 11-year-old over five kilometres.”

September 26 subong nga tuig sang ginhangkat ni Mia ang 43-anyos nga record nga na-set sang 1977 para sa 5k under 11.

Sa kadasigon nga 17:14:30, nakuha ni Mia ang bag-o nga titulo para sa 5-kilometer run sa diin mas madasig siya sang 18 seconds kumparar sa 17:59 nga speed nga na-record pa sang 1977 sang American nga si Kathy Kieman.

Si Mia ang bata nanday Richard Guillergan kag Anabel Clavel nga lunsay mga taga-Oton, Iloilo.

Handum niya nga mag-represent sa pungsod sa international competitions pareho sang iya lolo nga si Roberto Guillergan nga nangin pambato sang Pilipinas sa Track and Field sa 1962 Asian Games.

Pinakahandum ni Mia nga makahampang sa Olympics. | via Che Guillergan