205 new cases sang COVID-19, na-record sa Western Visayas

By: Aine Grace Bravo/Nemesio Martirez

ILOILO CITY, September 30, 2020 — 205 ka bag-o nga kaso sang COVID-19 ang nadugang sa Western Visayas subong nga adlaw, Setyembre 30, base sa Case Bulletin No. 187 sang Department of Health 6.

Sa mga bag-o nga kaso, 78 ang halin sa Iloilo City; 30 sa Negros Occidental; 66 sa Bacolod City; 16 sa Iloilo Province; isa sa Guimaras; 11 sa Capiz; duha sa Aklan, kag isa sa Antique.

Bangud sini, nagsaka sa 11,611 ang kabug-usan nga kaso sa rehiyon lakip ang 4,179 ka active cases.

195 sa 205 ka kaso ang local cases ukon wala sang travel history sa guwa sang rehiyon kag pito ang locally stranded individuals (LSIs).

Samtang, 178 new recoveries kag tatlo ka new fatalities ang nadugang sa rehiyon.

Bangud sini, nagsaka sa 7,186 ang total recoveries samtang 246 ang total deaths bangud sa COVID-19. | via DOH 6