205 new cases sang COVID-19, na-record sa Western Visayas

By: Aine Grace Bravo

ILOILO CITY, October 2, 2020 — Gin-report sang Department of Health 6 ang 205 ka bag-o nga kaso sang COVID-19, 275 new recoveries kag apat ka new deaths sa Western Visayas kahapon, Oktubre 1.

Sa Case Bulletin No. 188 nga ginpaguwa sang DOH 6, nagalab-ut na sa 11,811 ang total cases sang COVID-19 sa rehiyon -4,101 pa diri ang active cases; 7,460 ang total recoveries kag 250 ang total deaths.

Na-record ang bag-o nga mga kaso sa Negros Occidental nga may 54, Bacolod City nga may 59, Iloilo City nga may 72, Iloilo Province nga may walo kag Capiz nga may anum kag Guimaras nga may tatlo.

Wala naman sang bag-o nga kaso sa Antique.|via DOH 6