Cash assistance para sa DOLE TUPAD Program sa Iloilo City, ipanagtag subong nga semana — PESO

By: JoMaque | Oktubre 12, 2020

ILOILO CITY — Ipanagtag na subong nga semana ang cash assistance para sa DOLE TUPAD Program.

Suno kay PESO Manager Mary Grace Centino,sang nagligad lang nga semana na-forward sa City Treasurer’s Office Finance Department ang mga dokumento para sa pay out.

Ginpahayag ni Centino nga pila sa mga rason kun ngaa delayed ang distribution amu ang:

*Ulihi nga pagpasa sang DTRs sang mga workers
*Ginpaliwat ang mga sala nga DTRs
*May mga dokumento nga ginapangayo ang Accounting Office nga dapat i-comply apang indi tingub ang instruction
*Apektado ang transaction sa Accounting kag Treasurer’s Office bangud sa pag- lockdown matapos may mga nagpositibo sa COVID-19 nga mga empleyado
*Bangud sa kadamuon sang benepisyaryo dapat tingub ang pag-process

May ginabanta 1, 500 ka mga workers nga nagtrabaho sang Marso para sa DOLE TUPAD Program nga nagahulat tubtob subong sang cash assistance. | via Aksyon Jeremae Ventar