COVID-19 cases sa Western Visayas, malapit na 14,000

By: Aine Grace Bravo/Ariel Solacito

ILOILO CITY, October 13, 2020 — Gin-report sang Department of Health 6 ang 105 new cases, 366 new recoveries kag duha ka bag-o nga nagkalamatay bangud sa COVID-19 sa Western Visayas subong nga adlaw, Oktubre 13.

Sa bag-o nga kaso, 38 halin sa Iloilo City; 37 sa Negros Occidental; 19 sa Bacolod City; pito (7) sa Iloilo Province; kag tag-duha (2) sa Capiz kag Aklan.

Samtang gin-report man sang ahensiya ang 366 new recoveries – 188 sa Bacolod City; 126 sa Negros Occidental; 27 sa Capiz; 14 sa Guimaras; kag 11 sa Iloilo Province.

Halin naman sa probinsiya sang Iloilo kag Negros Occidental ang duha ka bag-o nga nagkalamatay.

Sa kabug-usan, ang Western Visayas may 13,924 na ka kaso – 3,177 ang active cases, 10,411 total recoveries kag 336 total deaths bangud sa COVID-19. | Via DOH 6